Inhaltsbereich

Leitbild der Kantonspolizei Uri

// LÄITBILD

Miär sind d’Ürner Kantonspolizyy.

 

// MIÄR SCHAFFET SICHERHÄIT IM KANTON

// Miär lüäget drfir, dass d Gsetzi befolgt wärdet und dass d Mänschä i yyserem Kanton vor nyt miänt Angscht ha.

// Miär schaffet i Üri innä Sicherhäit dur heechi Presänz, dur planmässigi Verhinderig und dur Üffdeckig vu meglichscht vilä Verbrächä.

// Miär chemet gläitig z Hilf, wo Gfahrä umä sind.

// Miär gsehnd yys ass Diänschtläischtigsbetriib fir yyserä Kanton und verpflichtet yys zunerä rächtlich korrektä Erfillig vu yyserem Üfftrag.

 

// MIÄR SIND Ä TÄIL VU DR GSELLSCHAFT

// Miär chemet frindlich, i allä Täilä tipptopp und hilfsberäit drthar und pfläget  äs Verhältnis zu yyserer Bevelkerig, wo uff gägäsytigem Vertrüüwä begrindet isch.

// Miär gäänd yys partnerschaftlich und ferderet d Zämäarbet.

// Miär pfläget ä aktivi, ehrlichi und zytgerächti Verbindig nach innä wiä äü nach ussä.

// Miär legget Wärt uff nä verantwortigsvollä Umgang mit yysernä Mittel und mit dr Umwält.

// Miär gwahret gsellschaftlichi Entwickligä und läischtet ä wichtigä und züäkunftsorientiärtä Bytrag fir äs Zämäläbä, wo vum Fridä träit isch.

 

// MIÄR TRÄÄGET VERANTWORTIG UND LEGGET WÄRT UFF QUALITÄT

// Miär zäichnet yys dur Rächtschaffähäit, Ysatzwillä und Züäversicht üss.

// Miär wisset, dass miär Vorbildwirkig hend, gänd Sicherhäit dur klari Haltigä, nämet Äigäverantwortig uff yys und pfläget ä Fiärigsschtil, wo vu Wärtschetzig prägt und situationsgrächt isch.

// Miär schtellet ä heechä Aschpruch a yyseri perseentlichi, gsellschaftlichi und fachlichi Tichtigkeit.

// Miär ziänd Nutzä uss ämä kritischä Nachädänkä fir ä perseentlichi Wyterentwicklig und fir d Mitgeschtaltig im Beräich vu dr Organisation.

 

Leitbild der Kantonspolizei Uri

Zugehörige Objekte